Дараагийн нэгэн таатай дуу

Rihanna-Diamonds
Энэ дуу бас их гоё аятай, дагаад дуулахад хөөрхөн хоолой шаардчихдаг гоё дуу санагдсан. 

Ээлжит дуу

Дэлхийд дурласан сар киноны дуу

Энэ дуу ойрд их таалагдаад байгаа. Үг нь ч тэр ая нь ч тэр. Харин Болдсайханы дуулсан хэсгүүд нь нээх зохицож өгөхгүй байх шиг санагдлаа.
Би ер нь нэг гоё дуу сонсчихоороо нэг хэсэгтээ л байнга зөвхөн тэр дуугаа л ахин дахин сонсоод байдаг. Тэгээд хэсэг хугацааны дараа уйдчихдаг хүн л дээ. Дагаж дуулахад их гоё санагдлаа энэ дуу.

Хүслийн самбар

Шинэ он гараад хийсэн хамгийн эхний зүйл бол хүслийн самбар байлаа.
эхний багананд өдөр тутам мөрдлөг болгох зүйлсээ бичлээ.
1. Ус болон ногоон цай их уух. Энэ нь эрүүл мэндэд тустай төдийгүй жингээ барихад маш тустай юм
2. Өглөөний хоолоо маш их, өдрийн хоолоо дунд зэрэг, оройн хоолыг маш бага байлгах хэрэгтэй. Энэ нь мөн эрүүл мэндэд тустай бөгөөд жингээ барихад их тустай. Хүн өглөөний хоол идэхгүйгээр эрүүл байна гэж байдаггүй.
3. Ном унших. Мэдээж ном бол ертөнцийг харах нэгэн цонх шүү дээ. Номонд дуртай байх нь яавч буруу зүйл биш юм. Уншихгүй бол сэтгэхгүй.
4. Йог хийх. Хмм за би нэг хэдэн йогийн дасгал мэддэг юм. Тэднийг өдөр тутам тогтмол хийгээд байвал жингээ хасах өндөр боломжтой. Өдөрт 40 минутыг яагаад өөрийн бие галбирийн төлөө зөрцуулж болохгүй гэж? Хүн сайм сайхан явахын тулд тодорхой хэмжээгээр зовж бас тэвчдэг юм гэж ээж маань байнга хэлдэг.
5. Битгий хийх зүйлсээ овооруул. За даа энэ бол орчин үеийн ихэнх залуусын нэгэн томоохон дутагдал болоод байна. Миний ч ялгаагүй. тэгэхээр стрессээ зохицуулж сурнаа гэсэн үг шүү дээ.
6. Цэвэр цэмцгэр амьдар. Орчин тойрноо үргэлж цэвэр цэмцгэр байлгах нь эрүүл мэндэд төдийгүй сэтгэл санаанд ч чухал юм шүү.
7. Орой эрт унтаж өглөө эрт бос. Эрт боссон шувуухай нэгийг дуулдаг шүү дээ.
Харин 2 дах багананд энэ онд амжуулах зүйлс багтсан.
1. ТОЭФЛ-ийн шалгалт өгч 85 аас дээш оноо авах. Гэхдээ энэ зорилго маань 100 оноо болж өөрчлөгдсөн шүү. Мэдээж гадаадад тэтгэлгээр магистрт сурахын тулд энэ надад хэрэгтэй.
2. Их сургуулиа төгсөнө. Ямар ч л байсан төгсөх л байх. Гэхдээ сайн төгсөн хэрэгтэй шүүдээ.
3. Би Хөвсгөл далайд очиж үзэхийг үргэлж мөрөөддөг. Энэ зун сургуулиа төгсөөд алжаалаа тайлахын тулд заавал очиж амрана.
4. Мөн мэдээж их сургуулиа төгссөн хүнд сайн ажилд орох нь чухал. Цалин тийм их чухал биш сайн дадлага туршлагатай болох хэрэгтэй гэж бодож байна.

Зиа ингээд энэ онд хүссэн, зорьсон бүхэн минь сэтгэлчлэн бүтэх болтугай :D

Хаппи ниү иээр

Зиак 2013 он гарах гэж байна. Юу бодогдож байх юм дээ? 2012 онд юу хийж бүтээв, юуны ард гарав л гэж бодож байх шив. Би яг юу хийв? Юу ч хийсэнгүй. санаанд багтаад би ийм юм хийсэн шүү гээд бахдалтай юм юу ч хийсэнгүй.
Ирэх онд юу хийхээр төлөвлөж байна? Уг нь маш их л юм төлөвлөөд байна. Угааасаа миний амьдралд маш их өөрчлөлт гарах ёстой. Тэгж найдаж л байна.

Ёооох ёоох ёох

        Ээх бурхан минь ойрын хэд хоног галзуу солиотой юм шиг л өнгөрч байна. Хийх юмгүй өнгөрч байгаа өдөр хоног ч алга. Айхтар завгүй өдөр хоногууд байна. Нэг бодлын өдөр хоногуудыг ийм байдалтай өнгөрөөх завгүй, хийж бүтээсэн юмтай өнгөрөөх сайхан ч юм шиг, нөгөө бодлын амьдралын минь үнэтэй цайтай өдөр хоногууд хэтэрхий хурдан, бараг надад ч мэдэгдэхгүйгээр өнгөрөөд байгаа нь онцгүй байна.

      Ер нь бид яагаад элдэв зүйлд санаа зовохгүйгээр өөрсдийнхөө тааваарааа амьдарч болдоггүй юм бол? Мөнгө гэдэг зүйл яг юунд, яг хэнд хэрэгтэй юм бол? Мөнгө гэдэг зүйл байхгүй байсан бол амьдрал арай амар байх байсан боловуу? Үгүй боловуу?Мэдэхгүй юм даа гэж.

   Ямартай ч өдөр хоногууд надад мэдэгдэхгүйгээр урсан одсооор л....

Гэснээс.....

Надад нэг мөрөөдөл бий.
Миний хувьд бол одоохондоо мөрөөдөл л юм даа.
Гэхдээ би зорилгоо болгоод өмнөө тавьчихсан.
Тэгээд бага багаар түүндээ тэмүүлж байгаа.
Нэг л өдөр биелэх болно.
Тун удахгүй.
Би тэр мөрөөдлөө өдөр бүр, шөнө бүр дотроо боддог.
Мөрөөдөл минь биелчихсэн байна гэж төсөөлдөг.
Эсвэл мөрөөдлөө биелүүлчихээд найз нөхөддө яаж явсан тухайгаа ярьж байан гэж төсөөлж өөрөө өөртэйгөө ярьдаг.
Галзуу юм шиг сонсогдож байна уу?
Мөрөөдөл минь биелчихсэн юм шиг тийм их баяр хөөрийг дотроо бий болгодог.
Гэхдээ дан мөрөөдөөд суух биш.
Ганц ч болтугай алхам хийх хэрэгтэй юм шүүдээ.
Мөрөөдөлтэй байхад, түүндээ бүх сэтгэл зүрхээ зориулсан байхад биелэхгүй гээд хаачдаг юм?

Нэг ийм эсээрхүү зүйл 1 дүгээр курстээ бичиж байсан юм байна

Миний хүсэл, мөрөөдөл

          Хүний амьдрал их баян юм. Зовно, жаргана, баялаж хөөрнө, сэтгэлээр унана, гуньж гутарна гээд л. Хүн амьдралдаа их олон зүйлийг хүсэж мөрөөдөж, зорин тэмүүлж байдаг аж. Сайн сайхан, гэрэлтэй гэгээтэй зүйлийг тэд хүсч мөрөөддөг. Гэвч түүнд нь хязгаар гэгч зүйл байдаггүй. Нэг үгээр бол хүн хүсч мөрөөдөхөө болино гэж байхгүй. Нэг хүсэл нь биелэхэд дараагийнхыг нь хүсч эхэлдэг. Тэрнээс цаадахыг, бүр том зүйлийг. Тийм ч учраас хүн баярладаг, уурладаг, зовдог. Тэр сайхан хүсэл мөрөөдөл нь биелэхэд, хүссэнээр нь болоход тэд баярлаж, урам зориг орж байдаг. Харин эсрэгээр хүсэл мөрөөдөл нь биелэхгүй, эсвэл санаснаар нь болохгүй бол тэд зовж шаналдаг, сэтгэлээр унадаг. Тэгэхээр бидний зовж эсвэл жаргаж байгаагийн гол шалтгаан нь  бид өөрсдөө гэж би хувьдаа боддог.

Би ч бас мэдээж их олон зүйлийг хүсч мөрөөддөг. Юун түрүүнд эх дэлхийнхээ төлөө ихийг хийж бүтээж, ард түмэндээ хэрэгтэй хүн болохыг хүсдэг. Манай дэлхий даяарчлагдаж, хөгжлийнхөө маш өндөр цэгт хүрчихээд байна. цаашдаа ч бид улам илүү хөгжихийг эрмэлзэх болно. Манай орон ч мөн л ялгаагүй маш хурдацтай хөгжиж байна.  Гэхдээ бүх юм технологижиж, техникжиж хялбарчлагдаж байгаагийнхаа хирээр бид байгаль дэлхийдээ гарз хохирол учруулж байна гэдгээ байнга санаж байх хэрэгтэй. Сүүлийн жилүүдэд энэ асуудал маш хурцаар хөндөгдөж хүмүүсийн сэтгэлийг зовоох болоод байна. энэ асуудал миний санааг бас сүүлийн үед хамгийн ихээр зовоож байна. Би одоо санхүүгийн мэргэжлээр сурч төгсөөд, цаашдаа байгаль дэлхийгээ хамгаалахын төлөө их үйлсийг хийж байгаа том том нийгэмлэг, байгууллага, дэлхийн хэмжээнд маш том хүрээг хамарсан сангуудад элсэн орж, хамтран ажиллаж, тэдний үйл ажиллагааг улам өргөжүүлэхийн төлөө чадах бүхнээ хийхийг хүсдэг.  Бид сэтгэл л байвал бага ч гэсэн чадлынхаа хирээр энэ их үйлсэд хувь нэмэр оруулаад, байгалиа чин сэтгэлээсээ хайрлаж чадвал бид ургамал ногоо, ан амьтан, араатан жигүүртэн гээд бүх л байгаль дэлхийгээ хамгаалж, аварч чадна гэж би боддог.